تبادل لینک هوشمند
 |
بالا وای دیلده گزیر چوللری الان زهرا (س)
الیور ابر بهاران کیمی باران گوزدن
بو حسین (ع) کیمدی الهی دییلن وقتده آدی
وئریلیر گوز یاشینا بیر بئله فرمان گوزدن
گوز دئدیم یادیما دوشدو ایکی قاننان دولو گوز
سوز آچیم قوی بو ایکی قانیله الوان گوزدن
طول عمرونده حسین(ع) اوپدی ایکی قانلی گوزو
ایکی شخصین اله دی گوزلرینه قان گوزدن
بیری زهرا (س)ییدی پیغمبر خاتم(ص) بالاسی
آتدی شهرینده اونو خلق مسلمان گوزدن
کوچه ده ووردولا سیلی گوزونه دوشدی لکه
یوز ویریب قوه بینائیه بحران گوزدن
قاپئنی اورتوب اوتوردی یوزونه قویدی الین
معجریلن گوزونو ایلدی پینهان گوزدن
نه گوزون بیرکسه گورستدی نه ده سیلی یئرین
ایستمیردی دوشه تا دیللره دستان گوزدن
تا حسین (ع) گلدی قوجاغیندا اوتوردو خانمین
گورسنیردی اله احوالی پریشان گوزدن
بوینو چیگنینده گوزون تیکدی بتولین یوزونه
توکدو گل صورتینه بارش نیسان گوزدن
دئدی دردین ننه گیزلتمه حسین(ع) دن یوزون آچ
حق مولایه(ع)قسم کئچمه بو گریان گوزدن
آغلادی آغلادی یالواردی ز بس زهرا(س)یه
عاطفه چشمه سینی ائتدی خروشان گوزدن
قوللارون سالدی ننه بوینونا مین یول دئدی جان
قویدو نیلی یوزه یوز اوپدو او سوزان گوزدن
اوردا بیر سوز دئدی دیلبندینه آهسته بتول(س)
کیمسه بیلمز ولی فاش ائتدی نه جریان گوزدن
چون کی آگاهیدی زهرا(س) گلجه کده نه گلر
رمزیله اوغلونا تاپشیردی بو عنوان گوزدن
دئدی بیرده یارالی گوزدن اوپنده یاواش اوپ
یارا اولسا توکولن اینجیه ر انسان گوزدن
بیر اشاریدی خانم ایلدی سقا گوزونه
اولسا تعبیر اورکلر اولو شان شان گوزدن
گلسه هر یئرده ابوالفضل(ع) آدی زهرا(س) ده گلر
نجه صحبت ادیم اوچ شعبه لی اُخدان ، گوزدن
اللری اولمادی سدّ ایلیه پیکان یولونی
اَل اولار یاخچی ، خطر وقتی نگهبان گوزدن
بیلمیرم اوچ پر اُخ آخر نئجه دَیدی هدفه؟
بو قدر وار کی اولوب پیکری لرزان گوزدن
دئدی ایندی گلر ایمدادیمه سلطان جهان
گوزده اُخ گورسه تاپار قامتی نقصان گوزدن
گرک ایندی الییَم چاره امان وئرسه عمود
اوچ پر اُخ ردّ اولا بیر نحویله ویران گوزدن
اُخو گوزدن چئخادام سونرا حسینی(ع) چاغئرام
گتدی اول کاره ادب بو ایشه برهان گوزدن
نئجه بی پرده یازیم نه ایله دی قولسوز سقا؟
نه دئییم اِیلدی بیر عالمی حیران گوزدن
بوقدر وار خبریم باشین اگیبدی آشاقا
دیزلریلن چکیب اوچ شعبه لی پیکان گوزدن
اِدمه ایراد دئسم جانیده چئخدی اُخونان
ائتدی رگلر قانی فوّاره شتابان گوزدن
لنگره گلدی آت اوستونده او قولسوز بدنی
ساغ،سولا آخدی چئخئب رشته میزان گوزدن
قویدو ناگه قدمین قتلگهه نوفل شوم
قلبینین کینه سی معلومیدی غضبان گوزدن
کئچ قلم یازما عمودایله آچئق باش سؤزؤنو
مقطع شعرین آچ انشاسینه میدان گوزدن
بیر فقط فاطمه(س) گوردی او باشین سئنماغئنی
-----------------
. . . . . .
توپراق اوستن دیزینه آلدی سرِ سردارین
گوردو تکمیله یئتیب دفتر پیمان گوزدن
اگیلن قامتینی اگدی بیرزده آشاغا
حشره جک توشه سینی آلدی او سلطان گوزدن
اوپدو زهرا (س) بویوران تک یارالی قانلی گوزون
------------------
منبع : نوشته شده از فایل صوتی گنجینه معرفت(گلچین مداحان ترکی 1390 ه ش)
نظرات شما عزیزان:
:: موضوعات مرتبط: مطالب و مباحث دینی و مذهبی، شعر و ادبیات، ،
:: برچسب‌ها: عاملی اردبیلی, متن نوحه ترکی, متن روضه ترکی, شعر ترکی, ادبیات ترکی, ادبیات آذری, روضه آذری, روضه حضرت زهرا سلام الله علیها, روضه حضرت عباس علیه السلام, ابوالفضل العباس علیه السلام,
نویسنده : علی ربّانی
تاریخ : پنج شنبه 26 بهمن 1391
زمان : 1:3
<-PollName->
خبرنامه وب سایت:
آمار
وب سایت: